Kaise???

Tumhare Dil me basi dhadkan hu main
Apne Dil se mujhe bhulaoge kaise?
Jo tumhare man me basi meri tasveer hai
Use apne hathon se mitaoge kaise?
Tumhari zindagi ka main hi to saaz hu
Bina mere koi dhun banaoge kaise?
Har saans tumhaari to mera hi nam leti hai
Apni saanson ke bina jee paoge kaise?
Apna chehra to tumne hamesha meri ankhon me dekha hai
Ab aks dekhne ko naya darpan laaoge kaise?
Raahein to tumhari mere saath chalne ko bani hain
Mere bina tum un par kadam badhaoge kaise?
Roshan hai tumahara jeeven meri hansi ke dum se
Rulakar mujhe ghar me diya jalaoge kaise?
Tumhare har pal ko maine apni baaton se sajaya hai
Mere bina wo pal saare bitaoge kaise?
Chaahe anchaahe bhi mere paas hi aate ho
Main na rahungi to aansu chchipaoge kaise?
Tumhari har khwahish ko maine palko pe sajaya hai
Auron se apni khwaahishein puri kar paaoge kise?
Roothne manane ki mere saath jo tumhari yaadein hain
Unhe yad kar chupchaap aansu bahaoge kaise?
Wo nadi kinaare ki khilkhil, wo raahon ki chuppi
Un saare palo ko ek saath sanjo paaoge kaise?
Aaj har mod par mera haath thaam lete ho
Na rahungi main to in raahon me mud paaoge kaise?
Mushkilein jab aati hain to mujhe hi talaashte ho
Mere bina ye mushkilein akele suljhaoge kaise?
Tumhaare jeevan ka har pal mera aadi ho chuka hai
Mere bina ab ek bhi kadam chal paaoge kaise?
Ye nadiyaan ye jharne sab to meri hi yaad dilate hain
Mujhse door hokar inke paas ja paoge kaise?
Maana ki mere sath saat pheron ka bandhan nahi tumhara
Par kisi aur ke saath bhi phere le paaoge kaise?
Jab tan man me mujhe deewano ki tarah basa rakha hai
To batao mujhe kisi aur ke deewane ban paaoge kaise?
Aaj mere saath jeene marne ki kasmein khaate ho tum
Tod kar wo saari kasmein khud se nazrein milaoge kaise?
Maana ki mera saath bhi ek bandhan maangta hai
Par mujhe chchodkar kisi naye bandhan me bandh paaoge kaise?
Main koi tohfa ya uphaar nahi maanti khud ko
Par mere na milne par batao, khush rah paaoge kaise?
Chun Chun kar tumhaare liye main varmaala banati hu
Thukra kar use koi upvan seench paaoge kaise?
Mere naam ko apne hothon pe sajaaye phirte ho
Kisi aur ke naam ko hothon se lagaoge kaise?
Itni mehnat se sapno ka ashiyaana saath banaya hai
Todkar use koi naya basera sajaoge kaise?
Poori duniya ke saamne to mujhe hi apna chuke ho
Ab muh pherkar kisi aur ko apna banaoge kaise?
Main wo tootta taara hu jiski jhalak par tum zindagi maangte ho
Toot jaungi hamesha ki khaatir to mujhe jod paaoge kaise?
Saath baith kar samandar kinaare ret ke mahal banate ho aaj
Jab koi lehar le jaaye use to rok paaoge kaise?
Aaj tak tumhaare har sawal ka main hi jawab banti aayi hun
Jo uthege mere baad us sawal ka jawab de paaoge kaise?
Meri zindgi hi to tumhaare jeene ka maksad rahi hai ab tak
Mujhse bichchadkar ae meri jaan, bolo jee paoge kaise?
Bolo jee paoge kaise........ Jee paoge kaise??????